Beg Korzenn
Neuz
![](http://chped.net/https/upload.wikimedia.org/wikipedia/commons/thumb/0/0d/Pointe_de_Corsen.jpg/220px-Pointe_de_Corsen.jpg)
Beg Korzenn zo ur beg-douar war aod gwalarn Breizh, e kumun Plouarzhel. Sellet a reer ouzh ar beg-douar-se evel al lec'h ma kej dourioù Mor Breizh ha re ar Mor Atlantel.
Ar beg-douar kornôkañ eus Breizh eo, ma lakaer a-gostez an inizi evel Eusa. Nepell diouzh Beg Korzenn met muioc'h en douaroù emañ tour-tan Trezian, ur c'hilometr diouzh an aod.
War ar beg-douar emañ kreizenn CROSS Corsen, ma vez evezhiet tremenerezh ar bagoù dirak aod Bro-Leon ha ma vez kenurzhiet an oberiadennoù saveteiñ pa vez gwallzarvoudoù en tachad mor en em astenn etre Bae Menez-Mikael ha Beg Penmarc'h.