Kastell Lanniron
Neuz
![](http://chped.net/https/upload.wikimedia.org/wikipedia/commons/thumb/9/92/Le_chateau_de_Lanniron.jpg/220px-Le_chateau_de_Lanniron.jpg)
Kastell Lanniron eo bet ti-hañv eskibien Kerne e-pad bloavezhioù. Emañ e kumun Kemper, war lez an Oded.
Er XVvet kantved, an Aotrou Rozmadeg en doa lakaet sevel e Lanniron ti eskibien Kerne, ur maner karrez e beder zourell.
E dibenn ar XVIIvet kantved, an aotrou Koedlogon a lakaas sevel ul liorzh mod Frañs diouzh doare hini Versailhez, gant leurennoù, balioù, oglennoù hag un orañjerez.
Da vare an Dispac'h Gall e oa bet gwerzhet an domani evel mad broadel. E 1822 e oa bet adprenet gant un denjentil saoz hag en doa lakaet sevel, e plas ar maner, un demeurañs mod Italia gant talbennoù tric'hornek ha porchedoù.
Park ar plant, 46 devezh arat ennañ, zo bet lakaet war roll ar Savadurioù Istorel, ha gallout a reer e weladenniñ.