Magna Carta
![](http://chped.net/https/upload.wikimedia.org/wikipedia/commons/thumb/e/ee/Magna_Carta_%28British_Library_Cotton_MS_Augustus_II.106%29.jpg/310px-Magna_Carta_%28British_Library_Cotton_MS_Augustus_II.106%29.jpg)
(British Library Cotton MS Augustus II.106)
Magna Carta Libertatum (latin krennamzerel evit "Karta Veur ar Frankizoù"), a reer eus ur garta anvet ivez Magna Carta ha Magna Charta sinet gant ar roue saoz Yann Dizouar e Runnymede, e-kichen Windsor, d'ar 15 Mezheven 1215.
Gant arc'heskob Canterbury e voe savet ar skrid, evit degas ar peoc'h etre ar roue hag ur strollad baroned emsavet, o c'hrataat ma vije gwarezet gwirioù Iliz Bro-Saoz, ha re ar varoned enep ar vac'hidigezh eneplezenn, barnadennoù prim, ha ma vije bevennet an truaj gladdac'hel d'ar Gurunenn.
Peurwiriekaet e voe ar Garta gant ar roue, an arc'heskob ha 25 baron, met pa ne zalc'has siner ebet d'e c'her e voe nullet gant ar pab Inosant III diwar goulenn ar roue, ar pezh a zigoras an hent da Gentañ Brezel ar Varoned (1215-1217).