Meleagros
![](http://chped.net/https/upload.wikimedia.org/wikipedia/commons/thumb/f/f1/Meleagro%2C_da_villa_ulpiana_presso_civitavecchia%2C_copia_romana_del_I_sec_dc_da_orig._greco_del_340-330_ac_ca._restauri_moderni_%28testa%2C_braccio_dx%2C_piedi%2C_cane%29.JPG/220px-thumbnail.jpg)
Meleagros (henc'hresianeg Μελέαγρος Meléagros) a oa un haroz e mojennoù Hellaz kozh. Mab e oa d'ar roue Oineüs.
Ar vojenn[kemmañ | kemmañ ar vammenn]
Ul loen anvet hoc'h-gouez Kalydon a oa oc'h ober freuz ha reuz er vro. Hag ar roue da gas e vab Meleagros da duta a-benn ar chase. Dibab a reas Atalante, a oa deuet da vout ur plac'h kaer hag ur chaseourez a zoare. Atalante a zegouezhas un deiz gant daou zen-marc'h, Hylaios ha Roikos. Hag int ha klask sailhat war ar werc'hez, met lazhet e voent ganti a-daolioù saezhoù. Hervez mojennoù all e voent lazhet gant he fried Meleagros.
Hag int da chaseal al loen. Atalante a roas an taol kentañ, met Meleagros a lazhas anezhañ. Peogwir e voe komzet vil outi gant an daou chaseour Eurypylos hag Ifikles e voent lazhet ivez gant danvez he fried. Ha peogwir e oa droug e Tokseüs ha Pleksippos, e eontred, o welout ar priz, a oa da vezañ roet d'ar gwellañ chaseour, o vont gant ur vaouez, e lazhas anezho ivez.