Narkissos
![](http://chped.net/https/upload.wikimedia.org/wikipedia/commons/thumb/c/c3/Disambiguation.svg/20px-Disambiguation.svg.png)
![](http://chped.net/https/upload.wikimedia.org/wikipedia/commons/thumb/c/c3/Disambiguation.svg/20px-Disambiguation.svg.png)
![](http://chped.net/https/upload.wikimedia.org/wikipedia/commons/thumb/d/de/Michelangelo_Caravaggio_065.jpg/200px-Michelangelo_Caravaggio_065.jpg)
![](http://chped.net/https/upload.wikimedia.org/wikipedia/commons/thumb/d/d3/Nicolas_Poussin%2C_Eco_e_Narciso_%28ca._1629-1630%29%2C_Museo_del_Louvre%2C_Parigi..jpg/220px-Nicolas_Poussin%2C_Eco_e_Narciso_%28ca._1629-1630%29%2C_Museo_del_Louvre%2C_Parigi..jpg)
![](http://chped.net/https/upload.wikimedia.org/wikipedia/commons/thumb/f/f0/Narcissus%2C_mural%2C_Pompeii.jpg/220px-Narcissus%2C_mural%2C_Pompeii.jpg)
![](http://chped.net/https/upload.wikimedia.org/wikipedia/commons/thumb/9/9c/John_William_Waterhouse_-_Echo_and_Narcissus_-_Google_Art_Project.jpg/220px-John_William_Waterhouse_-_Echo_and_Narcissus_-_Google_Art_Project.jpg)
(John William Waterhouse, 1903, Walker Art Gallery, Liverpool).
Νarkissos (Νάρκισσος / Nárkissos e gregach) a zo mab d'an doue-stêr Kefisos ha d'an nimfenn Liriope, e mojennoù Hellaz kozh.
Mojenn[kemmañ | kemmañ ar vammenn]
E Metamorfozoù Ovidius eo kontet ar vojenn diwar e benn. Pa voe ganet Narkissos e voe goulennet ouzh an diouganer Teiresias ha mont a rafe ar bugel da gozh, hag eñ da respont : « Da gozh ez ay m'en em anavez. » Deuet bras ar paotr, koant e oa evel an heol, ha lorc'hus ken-ha-ken. Fae a reas war an nimfenn Ec'ho, ha re all c'hoazh, pitilh gantañ. Un deiz, e dour un eienenn, e welas e skeudenn, ma'z orgedas-eñ outi. E-pad deizioù e chomas dirak e skeudenn da glemmichat dre ma ne oa ket evit tapout anezhi. A-benn ar fin e varvas gant an naon, hag e c'hoarezed an naiadezed a zougas kañv dezhañ.
E-lec'h ma voe kavet e gorf e voe kavet foeon ivez, bleunioù gwenn anvet narcissus e latin.
Doare all[kemmañ | kemmañ ar vammenn]
Gant Nonnos Panopolis e oa un doare all d'ar vojenn.
Mab Endymion ha Selene e oa Narkissos, ha dezhañ ur c'hoar c'hevell, hag eñ pitilh ganti. Pa varvas-hi e kustumas-eñ da vont d'ur feunteun ma c'halle sellout ouzh he skeudenn en dour, pa oant heñvel.
Narkisegezh[kemmañ | kemmañ ar vammenn]
Krouet eo bet ar ger narkisegezh e psikologiezh evit aroueziñ ar garantez a c'hell an den kaout ouzh e skeudenn e-unan.
Pennadoù kar[kemmañ | kemmañ ar vammenn]
- An nimfenn Ec'ho
- Foeon, roz-kamm
- Narkis (Caravaggio)